Boyukmillet.com Biz yanmasaq vətən yanar
Azərbaycan Qaçqınlar Cəmiyyəti sentyabrın 06-da saat 12-də Beynəlxalq Mətbuat Mərkəzində tədbir keçirir. Tədbirdə Qərbi Azərbaycan qaçqınlarının social-siyasi problemləri bir daha ictimai müzakirəyə çıxarılacaq və aşağıdakı məsələlər müzakirə olunacaqdır:
– 1988-1992-ci illərdə Qərbi Azərbaycandan (indiki Ermənistandan) deportasiya olunan qaçqınlara dəyən maddi və mənəvi ziyanın hesablanması,
– İrandan və Türkiyədən ermənilərin Qafqaza köçürülməsinin 190-cı, 1918-ci il soyqırımının 100-cü, 1948-1953-cü illər deportasiyasının 70-ci, 1988-ci il soyqırımının 30-cu ildönümləri ilə bağlı qarşıda duran vəzifələr,
– Qərbi Azərbaycanlıların Elat Bayramının keçirilməsi,
– qaçqınların tarixi torpaqları uğrunda mübarizəsinin təşkili formaları.
Tədbirdə iştirakçılara və media nümayəndələrinə bu problemlərlə bağlı çap materialları, buklet və kitabçalar təqdim olunacaqdır.
Azərbaycan Qaçqınlar Cəmiyyəti Qərbi Azərbaycan qaçqınlarının problemləri ilə maraqlanan, Azərbaycanın tarixi torpaqları uğrunda mübarizədə yanımızda olmaq istəyən hər kəsi tədbirə dəvət edir.
