“Qəbələ”nin döyüşçüsü Avropa çempionu olub

Azərbaycanın və “Qəbələ” İK-nın idmançısı Alim Nəbiyev MMA döyüşü üzrə Avropa çempionu olub. SİA-nın məlumatına görə, idmançımız bu titulu Çexiyanın paytaxtı Praqanın “O2” İdman Kompleksində qazanıb. W5 promouşeninin 77 kq çəki dərəcəsində Avropa çempionunun adına qurumun bayrağı altında təşkil olunan “Əfsanələr Praqada” adlı döyüş gecəsində aydınlıq gəlib. Titul uğrunda mübarizədə Nəbiyev çexiyalı Vlado Moravçiklə qarşılaşıb. 5 raunddan ibarət döyüşün yekununda təmsilçimiz hakimlərin rəyi ilə qitə çempionu tituluna yiyələnib.