Boyukmillet.com Biz yanmasaq vətən yanar
Bakı-Tbilisi-Qars (BTQ) dəmir yolu ilə Türkiyədən Azərbaycana yola salınan 32 konteynerdən ibarət ilk qatar artıq Gürcüstanın Axalkalaki stansiyasına çatıb.
“ADY Konteyner MMC”dən bildirilib ki, Axalkalakidə yüklərin aşırılma əməliyyatı keçirildikdən sonra qatar yoluna davam edəcək. Blok qatarın Mersindən Bakıya qədər olan məsafəni 4 günə qət edəcəyi gözlənilir.
Qeyd edək ki, BTQ ilə hərəkət edən ilk qatar Qazaxıstanın Kokşetau stansiyasından oktyabrın 24–də yola çıxmışdı. Hazırda Bakı–Tbilisi–Qars dəmir yolu ilə hərəkət edəcək 2–ci qatar da Qazaxıstandan yola düşüb. Qatarın axşam saatlarında Ələt limanına çatacağı gözlənilir. (azertac)
boyukmillet.com
