Boyukmillet.com Biz yanmasaq vətən yanar
Rusiyanın Ermənistandakı bazasının hərbçisini qətlə yetirməkdə ittiham olunan Arman Cancuqazyan məhkəmədə terrorçu İŞİD qruplaşmasının tərəfdarı olduğunu etiraf edib.
“Report” Ermənistan KİV-inə istinadən xəbər verir ki, bunu ölkənin İstintaq İdarəsindən bildiriblər.
Xatırladaq ki, İstintaq İdarəsi həbs edildikdən sonra Arman Cancuqazyanın psixoloji probleminin olduğunu da bildirmişdi.
Qeyd edək ki, Ermənistandakı Rusiya hərbi bazasında xidmət edən 21 yaşlı sıravi əsgər Dmitri Yalpayev 2017-ci aprelin 22-də Gümrüdə mağazaların birində öldürülüb. Ölüm hadisəsi boyun və baş nahiyəsinə kəsici-deşici alətlə yetirilmiş xəsarət nəticəsində baş verib. Ermənistanın şimalındakı Stepanavan şəhərində yaşayan 20 yaşlı Arman Cancuqazyan bu cinayət işi ilə bağlı şübhəli bilinir.
Boyukmillet.com
