Boyukmillet.com Biz yanmasaq vətən yanar
Azərbaycanın Merksikadakı Səfirliyində 31 dekabr – Dünya Azərbaycanlılarının Həmrəylik Günü münasibətilə mərasim keçirilib.
Boyukmillet.com xəbər verir ki, bu ölkədə yaşayan soydaşlarımızın iştirakı ilə keçirilmiş tədbirdə çıxış edən səfir Məmməd Talıbov ötən il Prezident, Ali Baş Komandan İlham Əliyevin rəhbərliyi ilə Vətən müharibəsində tarixi qələbəyə imza ataraq öz ərazi bütövlüyünü bərpa etdiyini və xalqımızın sarsılmaz həmrəyliyinin bu müqəddəs amala nail olunmasında müstəsna rol oynadığını bildirib.
M.Talıbov, həmçinin soydaşlarımıza başa çatmaqda olan il ərzində işğaldan azad olunmuş ərazilərimizdə görülmüş və hazırda böyük sürətlə davam edən quruculuq işləri və bölgənin ümumi inkişafı istiqamətində ölkəmiz tərəfindən aparılan fəaliyyət barədə məlumat verib və onları Dünya Azərbaycanlılarının Həmrəylik Günü və Yeni il münasibətilə təbrik edib.
Meksikanın fərqli ştatlarında yaşayan həmvətənlərimizin bir araya toplaşması baxımından faydalı olmuş tədbirdə qonaqlara milli mətbəximizdən nümunələr təqdim olunub.
