Azərbaycan cüdoçuları Almaniya çempionatında qələbə qazanıblar

Azərbaycan cüdoçuları, Almaniyanın “Hamburq” klubunun heyətində çıxış edən Nicat Şıxəlizadə və Orxan Səfərov bu ölkə çempionatının qalibi olublar.

AZƏRTAC xəbər verir ki, “Hamburq” komandası klublararası birinciliyin finalında Münxenin “Qrossadern” klubunu 7:6 hesabı ilə məğlub edib. Hər iki idmançımız həlledici qarşılaşmaları da qələbə ilə başa vurub.

Orxan Səfərov 60, Nicat Şıxəlizadə isə 66 kiloqram çəki dərəcələrində mübarizə aparıb.