Cümə , 23 İyul 2021
Home » Dünya » Maliyyə Bazarlarına Nəzarət Palatasının rəhbərliyi İsveçrədə işgüzar səfərdədir

Maliyyə Bazarlarına Nəzarət Palatasının rəhbərliyi İsveçrədə işgüzar səfərdədir

Azərbaycan Respublikasının Maliyyə Bazarlarına Nəzarət Palatasının (MBNP) Direktorlar Şurasının sədri Rüfət Aslanlının rəhbərlik etdiyi nümayəndə heyəti İsveçrədə işgüzar səfərdədir. Səfər zamanı İsveçrə Maliyyə Bazarlarına Nəzarət Orqanının (FİNMA) və İsveçrənin İqtisadi Məsələlər üzrə Dövlət Katibliyinin (SECO) rəhbərliyi və yüksək səviyyəli rəsmiləri ilə danışıqlar aparılıb.

MBNP-dən AZƏRTAC-a bildirilib ki, səfərin birinci günündə baş tutmuş görüş zamanı Azərbaycan nümayəndə heyəti üçün FİNMA-nın fəaliyyət istiqamətlərinə dair təqdimatlar edilib və təcrübə mübadiləsi aparılıb. Görüş zamanı palatanın Direktorlar Şurasının sədri Rüfət Aslanlı rəhbərlik etdiyi qurumun FİNMA ilə əməkdaşlığa böyük əhəmiyyət verdiyini və mövcud əlaqələrin daha da genişləndirilməsi üçün hər iki qurumun böyük potensiala malik olduğunu bildirib.

Səfərin ikinci günündə SECO-nun qərargahında görüş keçirilib. Görüşdə texniki yardım imkanları, müxtəlif layihələr, o cümlədən uğurla reallaşdırılmış Kapital Bazarlarının Müasirləşdirilməsi layihəsi (CMMP) müzakirə edilib. Görüş zamanı SECO-nun rəhbərinin müavini Conas Frank qarşılıqlı əməkdaşlıqdan məmnunluq ifadə edib, iki qurum arasında inkişaf tendensiyasından razılıqla söhbət açıb.

Check Also

Ukraynada yeni daxili işlər naziri postuna namizəd müəyyənləşib – EKSKLÜZİV

Ukraynanın bu gün istefa verən erməni əsilli daxili işlər naziri Arsen Avakovun yerinə Ali Radada …