Boyukmillet.com Biz yanmasaq vətən yanar
Böyük Çin səddinin bir hissəsi zəlzələ nəticəsində uçub.
Boyukmillet.com xəbər verir ki, bu barədə “Global Times” məlumat yayıb.
Divarın iki metrlik hissəsinin uçmasına səbəb Qansu əyalətinin şimal-qərbindəki Şandanda baş verən zəlzələ olub. Divarın bu hissəsi Min İmperiyası dövrünə (1368-1644) aiddir. Hadisə yerində artıq təmir-bərpa işlərinə başlanılıb.
Zəlzələnin gücü Avropa-Aralıq dənizi Seysmoloji Mərkəzinin (EMSC) qiymətləndirməsinə görə 6,3 bal, Çin seysmoloqlarının fikrincə 6,9 bal təşkil edib.
Yeraltı təkanların episentri əhalinin az məskunlaşdığı ərazidə olub, lakin bəzi böyük şəhərlərin sakinləri bunu hiss ediblər.
Təbii fəlakət nəticəsində 9 nəfər xəsarət alıb, onlardan 8-i artıq xəstəxanadan evə buraxılıblar.
