Mikayıl Cabbarov: Cari ildə tələbələrin sayı 160 minə çatıb

Hazırda ali təhsil müəssisələrinin sayı 51-ə, tələbələrin sayı isə 160 minə çatıb. Bu il ali təhsil müəssisələrinə qəbul olunanlar 1990-cı illə müqayisədə iki dəfədən çoxdur.

AZƏRTAC xəbər verir ki, bu sözləri təhsil naziri Mikayıl Cabbarov ikinci Azərbaycan Elm Festivalının açılış mərasimindəki çıxışında deyib.

Nazir diqqətə çatdırıb ki, hazırda ölkəmizin müxtəlif universitet və elmi təşkilatlarında 33 min nəfər elmi tədqiqatla məşğul olur. Onlardan 11 min 874-ü fəlsəfə doktoru, 2 min 495-i isə elmlər doktorudur.