Azərbaycan cüdoçuları Parisdən 2 medalla qayıdıblar

Fransanın paytaxtı Parisdəki Böyük Dəbilqədı uğurla çıxış etmiş Azərbaycan cüdoçuları Vətənə qayıdıblar.

Boyukmillet.com xəbər verir ki, onları Heydər Əliyev Beynəlxalq Aeroportunda Azərbaycan Cüdo Federasiyasının rəsmiləri, idman ictimaiyyətinin nümayəndələri, idmançıların valideynləri və mətbuat nümayəndələri qarşılayıblar.

Turnirdə ölkəni 6 cüdoçu – Kəramət Hüseynov (60 kq), Hidayət Heydərov, Rüstəm Orucov (hər ikisi 73 kq), Məmmədəli Mehdiyev (90 kq), Zelim Kotsoyev (100 kq) və Uşangi Kokauri (+100 kq) təmsil ediblər. Onlardan ikisi – Mehdiyev və Kokauri gümüş medal qazanıblar.