Boyukmillet.com Biz yanmasaq vətən yanar
Rabitə və Yüksək Texnologiyalar Nazirliyi “Twitter”də yaranan problem mikrobloqlar şəbəkəsinin Azərbaycan seqmenti ilə əlaqəli deyil.
Nazirlikdən Trend-ə verilən məlumata görə, bu gün səhər saatlarında, Bakı vaxtı ilə saat 10:07 radələrində “Twitter” mikrobloqlar şəbəkəsində qeydə alınan nasazlıq Azərbaycan seqmenti ilə əlaqəli deyil. Sosial şəbəkədə yaranan nasazlıq qlobal xarakter daşıyıb və dünyanın bir çox ölkələrini əhatə edib. www.twitter.com saytında qeydə alınan texniki fasilə ilə bağlı ayrı-ayrı ölkələrin istifadəçiləri tərəfindən yaradılmış “hashtag”lar top trend olub.
“Twitter”in istifadəçiləri sosial şəbəkənin işində kəsinti olduğu barədə məlumatları paylaşmaqda davam edir.
Məlumata görə, istifadəçilər mikrobloqlar xidmətinin heç bir səhifəsini aça bilmirlər.
Saat 10:15-dən etibarən xidmət yenidən əlçatan olub. “Twitter” rəhbərliyi bu barədə hələ ki heç bir məlumat verməyib.
