Tunis sahillərində daha 24 miqrantın meyiti tapılıb

Tunisin Sahil Mühafizəsi aprelin sonlarında ölkə sahillərində qayıqların batması ilə nəticələnən qəzada həlak olan daha 24 miqrantın meyitini tapıb.

Boyukmillet.com xəbər verir ki, ölənlərin sayı artıq 67-yə çatıb.

50-dən çox insanın hələ də itkin düşdüyü qeyd edilir.

Son 48 saat ərzində Tunis Milli Qvardiyasının bölmələri ölkənin dəniz sərhədlərini qanunsuz keçməyə cəhd edən 30-a yaxın afrikalı miqrantı saxlayıb.

Xatırladaq ki, aprelin 23-də Sfaks əyaləti sahillərində, ilkin məlumatlara görə, göyərtələrində 120 nəfərin olduğu dörd qayıq qəzaya uğrayıb.