Boyukmillet.com Biz yanmasaq vətən yanar
Ağ xalatlı mələklərimiz – gözəl həkimlərimiz.Hər an, gecə-gündüz demədən sağlamlığımızla bağlı problemlərimizi həll edən gözəl insanlar.
Hələ uşaq həkimləri bir başqa qayğıkeş, uşaq qəlbli olurlar.Onların psixologiyasına bələd olan, öz dillərində onları dindirən gözəl pediatrlarımız.Savadları,təcrübələri ilə uşaqların qayğısını çəkən gözəl insanlar. Sizi nə qədər gözəl sözlərlə vəsf eləsək yenə də azdır.
Bu gün qayğıkeş həkimlərimizin bir yerdə yığışıb, canla-başla uşaqlara qulluq elədikləri bir məkanda, Bakı şəhər 1 saylı Uşaq poliklinikasında Uşaqların Beynəlxalq Müdafiəsi günü qeyd olunub.
Sanki bu gün həkimlərimiz də bir uşaq olmuşdular. Uşaqlarla bir yerdə əylənib,deyib-gülürdülər. Poliklinikada əyləncəli viktorinalar, yarışlar, müsabiqələr təşkil olunmuşdur. Rəhbərlik tərəfindən uşaqlara hədiyyələr də təqdim olundu. Bu onların sevincini birə-on artırdı.
