Naxçıvandan Bakıya uçan təyyarəyə quş çırpılıb

İyulun 17-də səhər saatlarında Naxçıvan-Bakı istiqamətində aviareys həyata keçirən “Azərbaycan Hava Yolları”na məxsus “Airbus 320” təyyarəsinə quş çırpılıb.

Aviaşirkətdən NUHÇIXAN-a bildirilib ki, bu hadisə texniki göstəricilərə təsir etmədiyinə görə, hava gəmisinin kapitanı uçuşu davam etdirmək qərarı alıb və uçuş ştat rejimində keçib. Təyyarə Bakıda uğurlu eniş edib, xəsarət alan yoxdur.