Boyukmillet.com Biz yanmasaq vətən yanar
Beynəlxalq Diaspor Mərkəzinin sədri İsmayıl Ağayev Qəbələnin Nic qəsəbəsində Alban-Udi Xristian Dini İcmasının sədri Robert Mobili ilə görüş keçirib.
Boyukmillet.com BDM mətbuat xidmətinə istinadən xəbər verir ki, Görüş zamanı Azərbaycanın işğal olunmuş ərazilərində həm islam, həm də xristian abidələrinin vəziyyətinin dözülməz halda olması, islam abidələrinin dağıdılması, Alban abidələrinin isə erməniləşdirilməsi haqqında geniş fikir mübadiləsi aparılıb. Görüşdə həmçinin icmanın fəaliyyətini əks etdirən sərgiyə baxış keçirilib, qədim Alban kilsəsi ziyarət olunub. İcmanın sədri Robert Mobili kilsənin tarixi haqqında geniş məlumat verib. Daha sonra İsmayıl Ağayev Azərbaycan Udi Ocağının təşkil etdiyi Udilərin mədəniyyət günündə iştirak edib. Müxtəlif ölkələrdə fəaliyyət göstərən Udi diaspor nümayəndələrinin iştirak etdiyi tədbirdə İsmayıl Ağayev Beynəlxalq Diaspor Mərkəzi adından Azərbaycanda tolerantlığın, multukulturalizmin inkişafı və milli-mənəvi dəyərlərin təbliğində göstərdiyi xidmətlərinə görə Robert Mobiliyə təşəkkürnamə təqdim edib.
