Boyukmillet.com Biz yanmasaq vətən yanar
Ermənistan ordusunun törətdiyi genişmiqyaslı təxribat aktları ilə bağlı Samaradakı Azərbaycan Diaspor fəalları bəyanat yayıb.
Boyukmillet.com bəyanatı təqdim edir:
Ermənistan ordusunun törətdiyi genişmiqyaslı təxribat aktları ilə bağlı Azərbaycan diasporunun bəyanatı.
Biz Rusiyada yaşayan Azərbaycan diasporunun nümayəndələri rəsmi İrəvanın Azərbaycanla Ermənistan arasında sülh danışıqlarına vurduğu növbəti zərbədən dərin narahatlığımızı bildiririk.
Biz beynəlxalq ictimaiyyətdən Ermənistanın təcavüzkar siyasətinin qarşısını almaq üçün ona qarşı təzyiqləri artırmağı tələb edirik.
Dünya ictimaiyyətinin nəzərinə çatdırırıq ki, Ermənistan Silahlı Qüvvələrinin bölmələri 2022-ci il sentyabrın 12-də axşam saatlarında Azərbaycan Ordusunun bölmələrini, təchizat yollarında yerləşən əraziləri, o cümlədən ayrı-ayrı mövqelərini atəşə tutublar. Daşkəsən, Kəlbəcər və Laçın rayonları müxtəlif növ silahlardan, o cümlədən minaatanlardan atəşə tutulub. Atəşkəsin pozulması Azərbaycan hərbçiləri arasında itkilərə və hərbi infrastrukturun zədələnməsinə səbəb olub.
Təəssüflə nəzərinizə çatdırırıq ki, bu, Ermənistanın Azərbaycanın başlatdığı sülh prosesinə ilk təxribatçı cavabı deyildi. Ermənistan müxtəlif bəhanələrlə nizamlanma prosesini ləngidir, beynəlxalq ictimaiyyətin səyləri ilə aparılan sülh danışıqları zamanı destruktiv mövqe nümayiş etdirir, Sülh Gündəliyinə reaksiya vermir, üçtərəfli qaydalara zidd olaraq silahlı qüvvələrini Azərbaycan ərazisindən çıxarmır. Bəyannamə və əldə olunmuş razılıq əsasında Azərbaycan torpaqlarının, o cümlədən son vaxtlar Laçın şəhərinin minalanmasına davam edir, nəqliyyat kommunikasiyalarının və marşrutlarının açılması üçün yeni şərtlər irəli sürür.
Yuxarıda göstərilən faktlar bir daha sübut edir ki, Ermənistan sülh proseslərində maraqlı deyil və istənilən vasitə ilə sülh prosesinə zərər vurmağa hazırdır.
Xatırladaq ki, müharibə başa çatdıqdan sonra yüzlərlə insan erməni tərəfinin yerləşdirdiyi mina və digər partlayıcı qurğuların qurbanı olub, onlarla insan həlak olub.
Biz Rusiya azərbaycanlıları bir daha bildiririk ki, Ermənistan silahlı qüvvələrinin təxribatına cavab olaraq Azərbaycanın gördüyü əks tədbirlər hərbi obyektlərə qarşı yönəlmiş lokal hərəkətlərdir. Bu aksiyaların keçirilməsində məqsəd Azərbaycanın dövlət sərhədlərinə təhlükələrin qarşısının alınması, Kəlbəcər və Laçın rayonlarında infrastruktur işlərinə cəlb olunmuş mülki işçilərin təhlükəsizliyinin təmin edilməsi, Ermənistanın təcavüzünün dayandırılmasıdır.
Azərbaycan ordusunun guya mülki əhalinin, obyektlərin və infrastrukturun atəşə tutulması ilə bağlı Ermənistan tərəfindən yayılan məlumat yalandır və biz qəti şəkildə inanırıq ki, bu, Ermənistan tərəfinin yaydığı növbəti dezinformasiyadan başqa bir şey deyil.
Təxribat, qarşıdurma və itkilərə görə bütün məsuliyyət Ermənistanın hərbi-siyasi rəhbərliyinin üzərinə düşür.
Biz Rusiya azərbaycanlıları qətiyyətlə bildiririk ki, Ermənistanın həyata keçirdiyi bu hərəkətlər normallaşma və sülh prosesi ilə tamamilə bir araya sığmır. Ermənistanın təcavüzkar hücumlarına baxmayaraq, Azərbaycan dövləti işğaldan azad edilmiş ərazilərdə genişmiqyaslı bərpa və quruculuq işləri aparır. Bu, bir daha göstərir ki, Ermənistan sülh prosesinə hər cür mane olur.
Biz bir daha beynəlxalq təşkilatları və qurumları bu cür hücumların qarşısını almaq üçün beynəlxalq səviyyədə əməli addımlar atmağa çağırırıq, eyni zamanda Ermənistanı revanşist ideyalarından əl çəkib sülhə çağırmaq üçün səyləri gücləndiririk.
“Samara Azərbaycanlıları Assambleyası” QHT-nin yaradılması üzrə təşəbbüs qrupunun sədri.
Elmar Rəsulov.
