Tanınmış televiziya layihəsinin əməkdaşları Naxçıvandan xoş təəssüratla ayrılıblar

“Azərbaycanın 7 möcüzəsi” layihəsinin icraçıları Naxçıvanda olublar. Muxtar respublika ilə bağlı çəkilişlər aparan əməkdaşlar öz təəssüratları ilə bağlı Naxçıvan televiziyasının əməkdaşlarına müsahibə veriblər.

Qeyd edək ki, Azərbaycanda ilk dəfə reallaşdırılan  “Azərbaycanın 7 möcüzəsi” layihəsinin məqsədi cəmiyyətdə vətənpərvərlik hisslərini artırmaq, milli-mədəni və tarixi irsimizi qorumaq, Azərbaycan tarixinin mübahisəli və təhrif edilmiş faktlarını dövrün tarixi abidələri fonunda öyrənərək araşdırmaq, ölkəmizin ərazisində yerləşən tarixi, mədəni və təbii obyektlərin tanıdılmasına, qorunmasına və bərpa edilməsinə diqqət yönəltməkdir. Məqsəd ölkə səviyyəsində turizmin inkişafına təkan verməkdir. (nuhcıxan)