Boyukmillet.com Biz yanmasaq vətən yanar
Bolqarıstanın Veliko Tırnovo vilayətinin qubernatoru Georgi Ququçkov Azərbaycan Prezidentinin Şuşa rayonunda xüsusi nümayəndəsi Aydın Kərimovun rəhbərlik etdiyi nümayəndə heyəti ilə görüş keçirib.
Boyukmillet.com xəbər verir ki, görüş zamanı qubernator Georgi Ququçkov Veliko Tırnovo vilayətinin coğrafi, iqtisadi və ərazi strukturu haqqında qısa təqdimatla çıxış edib. O, Heydər Əliyev Fondunun Veliko Tırnovo şəhəri yaxınlığında yerləşən Trapezitsa qalasının bərpasına xüsusi töhfə verdiyini vurğulayıb.
“İnanırıq ki, ölkələrimiz arasında çoxillik dostluq münasibətləri kənd təsərrüfatı, kimyəvi gübrələr, tikinti, müdafiə sənayesi, informasiya texnologiyaları, eləcə də enerji sektorunun şaxələndirilməsi sahələrində əməkdaşlığın inkişafı üçün böyük imkanlar açır”, – Georgi Ququçkov deyib.
Azərbaycan Prezidentinin Şuşa rayonunda xüsusi nümayəndəsi Aydın Kərimov isə öz növbəsində işğaldan azad edilmiş Şuşa şəhərinin bərpasından danışıb, infrastruktur layihələrinin həyata keçirilməsi, mənzil fondunun bərpası, xüsusilə də şəhərin tarixi-mədəni irsinin qorunub saxlanılması baxımından Veliko Tırnovodan olan mütəxəssislərin təcrübəsinin faydalı ola biləcəyini bildirib.
