Avropa İttifaqı Azərbaycanın 10 ermənini təhvil verməsini alqışlayıb

Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar Azərbaycanın Aİ-nin təşəbbüsü ilə daha 10 ermənini qarşı tərəfə təhvil verməsini alqışlayıb.

Boyukmillet.com xəbər verir ki, bu barədə Aİ rəsmisi özünün tviterdəki hesabında yazıb.

O, qeyd edib ki, Ermənistanın 10 hərbçisini vətənə qaytara bildiyinə görə şaddır. Toivo Klaar Azərbaycanın bu addımını humanitar məsələlərin həlli prosesində mühüm jest adlandırıb.

Aİ rəsmisi birliyin hər iki ölkənin rəhbəri ilə uğurlu görüşlər üçün Azərbaycan və Ermənistanla birgə işləməyə davam edəcəyini vurğulayıb.

Happy to have been able to repatriate 10 🇦🇲 servicemen. Important gesture by 🇦🇿 in the process of addressing humanitarian issues.
The 🇪🇺will continue to work with both countries to build on the successful meetings of @eucopresident with @presidentaz and @NikolPashinyan. pic.twitter.com/cTwEexijLv

— Toivo Klaar (@ToivoKlaar) December 19, 2021