“Azərbaycan-İran sərhəddinin tam bərpa edilməsi düşmənə növbəti mesajdır”

Cəlil Xəlilov: “Ordumuzun zəfərləri sübut edir ki, işğalçının digər torpaqlarımızdan qovulacağı gün uzaqda deyil”

“Azərbaycan-İran sərhəddinin tam bərpa edilməsi düşmənə növbəti mesajdır”.

Boyukmillet.com-un xəbərinə görə bunu mediaya açıqlamasında Respublika Veteranlar Təşkilatının sədr müavini, polkovnik Cəlil Xəlilov bildirib. C.Xəlilovun sözlərinə görə, ordumuzun uğurlu əks-hücumları onu göstərir ki, düşmənin digər torpaqlarımızından qovulacağı günə çox qalmayıb:

“Azərbaycan ordusunun uğurlu həmlələri yeni-yeni kənd  və şəhərlərimizin işğaldan azad edilməsi ilə müşahidə edilməkdədir. Dünən Zəngilan şəhəri və bir neçə kəndin işğaldan azad edilməsi ordumuzun öz missiyasını müvəffəqiyyətlə yerinə yetirdiyini göstərir. Sentyabrın 27-dən bu günə qədər işğalçıya qarşı aparılan mübarizədə çox böyük nəticələr əldə edilib. Xudafərin üzərində ucaldılan üçrəngli bayraq, Azərbaycan-İran sərhəddinin tam bərpa edilməsi düşmənə növbəti mesajdır. Ordumuzun zəfərləri sübut edir ki, işğalçının digər torpaqlarımızdan qovulacağı gün uzaqda deyil. Düşmən ordumuzun zərbələri altında işğal altında saxladığı digər torpaqları da tərk etməyə, qəti məğlubiyyətlə barışmağa məcbur olacaq.

Bu gün Azərbaycan-İran sərhəddinin bərpa edilən hissəsində sərhədçilərimiz xidmət aparmaqda, sərhəd təhlükəsizliyimizi təmin etməkdədir. Hazırda qarşıda dayana əsas vəzifə Azərbaycan-Ermənistan sərhəddini də bərpa etmək, ərazi bütövlüyümüzü təmin etməkdir. Hər bir azərbaycanlı əmindir ki, Ali Baş Komandanımızın rəhbərliyi altında Azərbaycan ordusu bu tarixi vəzifəni uğurla başa çatdıracaq, xalqımızın qəhrəmanlıq tarixində yeni bir səhifə açacaq”.