Boyukmillet.com Biz yanmasaq vətən yanar
“Azərbaycan Dəmir Yolları” (ADY) QSC-nin törəmə şirkəti olan “ADY Konteyner” MMC ilə “Türkmənistan Nəqliyyat və Logistika Mərkəzi” SC arasında beynəlxalq konteyner daşımaları üzrə Anlaşma Memorandumu imzalanıb.
Bu barədə ADY-dən bildirilib.
Məlumata görə, ötən gün Türkmənistanın paytaxtı Aşqabadda “Beynəlxalq nəqliyyat- tranzit dəhlizləri: qarşılıqlı əlaqə və inkişaf – 2023” 2-ci Beynəlxalq sərgi və konfransı işini başa çatdırıb. “ADY Konteyner”in təmsil olunduğu tədbirdə beynəlxalq daşımalar sahəsində yeni reallıqlar, nəqliyyat və tranzit dəhlizlərinin inkişafı, o cümlədən, logistika sahəsində müşahidə olunan rəqəmsallaşma tendensiyaları, tətbiq olunan innovativ həllər diqqət mərkəzində olub. Yeni əməkdaşlıq platforması Avrasiya regionunda konteyner daşımalarının səmərəli və sürətli təşkilinə önəmli töhfə verəcək. Konfrans çərçivəsində CASCA+ beynəlxalq multimodal marşrutu üzrə iştirakçı ölkələrin dəmir yolları operatorlarının növbəti görüşü keçirilib, tranzit imkanlarının yeni inkişaf perspektivləri müzakirə olunub.
