Şənbə , 2 İyul 2022
Home » Mədəniyyət » Bakıda Pakistan filminin premyerası keçirilib

Bakıda Pakistan filminin premyerası keçirilib

Pakistanın Azərbaycandakı səfirliyinin dəstəyi ilə Bakıda “Dum Mastam” (“Sevgiylə məst olmuş”) filminin premyerası keçirilib.

Boyukmillet.com xəbər verir ki, tədbirdə Pakistanın Azərbaycandakı səfiri Bilal Haye və Azərbaycan-Pakistan parlamentlərarası əlaqələr üzrə işçi qrupunun rəhbəri Qənirə Paşayeva iştirak ediblər.

Bilal Haye Pakistan filminin qardaş Azərbaycanda nümayiş olunmasından məmnun olduğunu bildirib.

“Filmdə insani dəyərlər və sosial problemlərə toxunulur. Bakıda daha çox Pakistan filmlərinin nümayiş olunmasını istərdik, çünki bu, ölkələr arasında mədəni ünsiyyətin və turistlərin cəlb edilməsinin çox yaxşı üsuludur. Bu cür tədbirlər Pakistan və Azərbaycan arasında münasibətləri möhkəmləndirmək imkanı yaradır”, – pakistanlı səfir deyib.

“Ümid edirəm ki, bu hadisə iki ölkənin mədəniyyət xadimləri arasında əməkdaşlığa təkan verəcək. Gələcəkdə Pakistanla birgə film çəkmək niyyətindəyik”, – Qənirə Paşayeva bildirib.

Qeyd edək ki, “Dum Mastam” filmi iki pakistanlı gəncin sevgisindən bəhs edir. Filmi “Gənclik Mall”da yerləşən “Cinema plus” kinoteatrında Azərbaycan dilində altyazı ilə izləyə bilərsiniz.

Check Also

Fransada “Şuşa ili” və Fikrət Əmirovun yubileyi münasibətilə konsert keçirilib

Fransanın paytaxtı Parisdə “Şuşa ili” və Azərbaycanın məşhur bəstəkarı Fikrət Əmirovun anadan olmasının 100 illiyi …