Boyukmillet.com Biz yanmasaq vətən yanar
Birləşmiş Millətlər Təşkilatının (BMT) İnsan Haqları üzrə Ali Komissarı Volker Türk İran hakimiyyətini bir çox başqa ölkələrin etdiyi kimi ölüm hökmünü ləğv etməyə və bütün edamları dayandırmağa çağırıb.
Boyukmillet.com xəbər verir ki, Türk yazılı açıqlamasında bu il İranda ən az 209 nəfərin edam edildiyini və bu şəxslərin ümumiyyətlə narkotik cinayətlərinin məhbusu və azlıq nümayəndələri olduğunu qeyd edib.
“Hökumətin şəffaflığı olmadığı üçün edamların dəqiq sayı bilinmir və bu rəqəmlərin daha çox olma ehtimalı var” ifadəsini işlədən Türk, İranın dünyada edam cəzasını ən çox istifadə edən ölkələrdən biri olduğunu bildirib.
Dünyada bir neçə ölkənin edam cəzasını tətbiq etməyə davam etdiyini vurğulayan Türk, İran hakimiyyətini bir çox başqa ölkələr kimi edam cəzasını ləğv etməyə və bütün edamları dayandırmağa çağırıb.
