Boyukmillet.com Biz yanmasaq vətən yanar
Aprelin 2-də Bolqarıstanda növbədənkənar parlament seçkiləri baş tutacaq. Yerli vaxtla saat 07:00-da (Bakı vaxtı ilə 08:00) ölkədə 13 minə yaxın seçki məntəqəsi açılacaq ki, burada təxminən 6,7 milyon insan yerli vaxtla saat 20:00-a qədər səs verə bilər.
Boyukmillet.com xəbər verir ki, xaricdəki Bolqarıstan vətəndaşları üçün 61 ölkədə 737 seçki məntəqəsi işləyəcək.
Xüsusi maşın və ya kağız bülletenlərdən istifadə edərək səs vermək mümkündür. Nəticələr əl ilə işlənəcək ki, bu da səslərin hesablanması prosedurunu çətinləşdirəcək və uzadacaq.
49-cu çağırış Xalq Məclisində 240 yer uğrunda 14 siyasi partiya və 7 koalisiyanın nümayəndələri mübarizə aparır. Mərkəzi Seçki Komissiyasının (MSK) məlumatına görə, birpalatalı parlamentin deputat mandatı uğrunda 4 566 nəfər mübarizə aparır. Seçkilərdə 207 beynəlxalq, 847 bolqar müşahidəçi çalışacaq.
Demək olar ki, bütün ötən həftə davam edən məktəblərin minalanması təhlükəsi ilə bağlı elektron məktubların kütləvi şəkildə göndərilməsi ilə əlaqədar aprelin 1-də bütün seçki məntəqələri yoxlanılaraq polis və jandarm qüvvələrinin mühafizəsinə götürülüb.
“Mərkəzi Seçki Komissiyası Daxili İşlər Nazirliyi ilə birlikdə seçki gününün sakit və səsvermə prosesində fasiləsiz keçməsi üçün bütün səylərini əsirgəməyəcək”, – MSK sədri Kameliya Neykova bildirib.
