Digər ölkələr

Partlayıcıya malik bir neçə pilotsuz uçuş aparatı (PUA) ABŞ-ın İraqdakı səfirliyinə hücum edib. Boyukmillet.com TASS-a istinadən xəbər verir ki, bu barədə “Shafaq News” xəbər portalı məlumat yayıb. Diplomatik nümayəndəliyin təhlükəsizliyini qorumaq üçün nəzərdə tutulmuş HHM sistemləri dronlara atəş açıb. Bəzi mənbələr dronların vurulduğunu, digər mənbələr isə vurulmadığı barədə məlumat verir. “Sabirin News” xəbər portalı PUA-lardan birinin səfirliyin ərazisində yerləşən hərbi …

Rusiya Əfqanıstanın şimalında vəziyyətin gərginləşməsi ilə əlaqədar bu ölkənin Məzari-Şərif şəhərindəki Baş Konsulluğunun fəaliyyətini müvəqqəti olaraq dayandırıb. Boyukmillet.com xəbər verir ki, bu barədə Rusiya prezidentinin Əfqanıstan üzrə xüsusi nümayəndəsi, Xarici İşlər Nazirliyinin Asiya üzrə ikinci İdarəsinin direktoru Zamir Kabulov iyulun 5-də TASS-a bildirib. Onun sözlərinə görə, bir çox konsulluq fəaliyyətini müvəqqəti olaraq dayandırıb.

Tailandın paytaxtı Bankokun ətrafındakı Banqpxli rayonunda kimyəvi zavodda baş verən partlayış nəticəsində 20-dən çox insan yaralanıb. Boyukmillet.com TASS-a istinadən xəbər verir ki, partlaşıydan sonra yanğın olub. Bildirilib ki, müəssisənin 5 km radiusunda yerləşən ərazidən sakinlər təxliyə edilib. Partlayış Bankokun Suvannapxumi beynəlxalq hava limanının 1-1,5 km-liyində baş verib. Zavodda polietilen dənələri istehsal olunur.

Kanadanın Britaniya Kolumbiyası əyalətində son həftə ərzində görünməmiş isti hava ilə əlaqədar 700-dən çox insanın ölümü qeydə alınıb. Boyukmillet.com xarici mətbuata istinadən xəbər verir ki, bu barədə əyalətin baş məhkəmə-tibb eksperti Liza Lapoynt bildirib. Onun sözlərinə görə, iyunun 25-dən iyulun 1-dək günvurmadan 719 ölüm hadisəsi qeydə alınıb. Bu, analoji dövrlə müayisədə istidən ölüm faizinin adi göstəricilərini 3 dəfə ötüb. Rekord …

İraqın energetika infrastrukturu obyektlərinə hücumlar nəticəsində azı yeddi nəfər həlak olub, daha on bir nəfər yaralanıb. Boyukmillet.com  xəbər verir ki, bu barədə respublika hökumətinin dəftərxanasının xəbərində deyilir. “Ölkənin energetika infrastrukturuna diversiyalar yeddi nəfərin həlak olmasına gətirib çıxardı, daha on bir nəfər yaralandı. Bundan başqa, 61 əsas elektrik ötürücü xətt dağıdılıb”, – xəbərdə qeyd edilib.

Yunanıstanın mülki aviasiyası beş ölkənin vətəndaşlarını öz ərazisinə giriş məhdudiyyətlərindən azad etdiyi siyahıya salıb. Boyukmillet.com xəbər verir ki, bu barədə “Greek City Times” bildirib. Agentliyin məlumatına görə, söhbət Azərbaycan, İordaniya, Moldova, Bruney və Ermənistan vətəndaşlarından gedir. Bundan əvvəl siyahıya Avropa Birliyi ölkələri və Şengen zonası daxil edilib.

ABŞ hərbçilərinin tərk etdiyi Əfqanıstanın ən böyük Bahram aviabazası talan edilib. Boyukmillet.com xəbər verir ki, bu barədə “Daily Mail” nəşri məlumat yayıb. Qeyd olunub ki, onlarla yerli sakin içəri girərək bir neçə binanı qarət ediblər. Amerika qüvvələri yerli hakimiyyət orqanlarına gedişləri barədə xəbərdar etməyiblər və nəticədə aviabazanın girişində mühafizəçilər təyin edilməyib. Soyğunçular bir neçə saat ərzində Əfqanıstan hərbçiləri tərəfindən qovulana …

Son bir neçə ay ərzində Ermənistandan çıxan və geri qayıtmayan vətəndaşların sayı kəskin şəkildə artıb. Trend-in erməni KİV-lərinə istinadən verdiyi məlumata görə, bunu Ermənistanın keçmiş prezidenti Robert Koçaryan deyib. Onun sözlərinə görə, son 4 ay ərzində miqrasiyanın mənfi saldosu 80 min nəfər təşkil edib: “Bənzər göstəricilər Ermənistanda 90-cı illərin əvvəllərində olub. Bunun adı artıq depopulyasiyadır (əhalinin sayının azalması – red.), …

Ermənistanın baş naziri səlahiyyətlərini icra edən Nikol Paşinyan iyunun 1-də Fransada səfərdə olub. O, səfər çərçivəsində bir sıra görüşlər keçirib. Ermənistan KİV-lərinin yazdığına görə, Ermənistan baş nazirinin Fransaya səfəri bu ilin oktyabrına planlaşdırılıbmış. Ancaq Paşinyanın Emmanuel Makrona dəfələrlə müraciəti nəticəsində bu ziyarət tezləşib. Nikolun keçirdiyi görüşlərdə Fransa rəsmiləri Azərbaycana qarşı əsassız və qərəzli mövqe nümayiş etdiriblər. Fransa prezidenti Emmanuel Makron …

Çinin “Sinovac Biotech” əczaçılıq şirkətinin istehsal etdiyi “Sinovac COVID-19” peyvəndi Ümumdünya Səhiyyə Təşkilatı tərəfindən təcili istifadə üçün tövsiyə olunub. Boyukmillet.com xəbər verir ki, təşkilatın qərargahından verilən açıqlamaya görə, sözügedən peyvəndin təhlükəsizlik, səmərəli təsir, istehsalat baxımından beynəlxalq standartlara uyğun gəldiyi barədə zəmanət verilir.