Cümə axşamı , 28 Mart 2024
Drone Cameras

Çin və Tailand Hərbi Hava Qüvvələrinin birgə təlimləri başlayıb

Tailand Kral Hərbi Hava Qüvvələrinin Udorn bazasında Tailand və Çin Hərbi Hava Qüvvələrinin “Şahin zərbəsi 2022” kod adlı birgə təlimləri başlayıb.

Boyukmillet.com xəbər verir ki, bu barədə “China.org.cn” məlumat yayıb.

Nəşrin məlumatına görə, təlimlərdə Çin tərəfində qırıcı, qırıcı-bombardmançı və erkən xəbərdarlıq radar (AWACS) təyyarələri, Tailand tərəfindən isə qırıcı və erkən xəbərdarlıq radar təyyarələri iştirak edir.

Manevrlər zamanı hava dəstəyi, yer hədəflərinə zərbələr endirilməsi, kiçik və irimiqyaslı qoşunların yeridilməsi məşq ediləcək.

“Birgə təlimlər iki ölkənin hərbi-hava qüvvələri arasında qarşılıqlı etimadın və dostluğun möhkəmləndirilməsinə, regional təhlükəsizlik və sabitliyin birgə təmin edilməsi üçün ikitərəfli praktiki əməkdaşlığın dərinləşdirilməsinə yönəlib”, – qəzet qeyd edir.

Check Also

Ərdoğan Ağ Evdə ilk dəfə Baydenlə görüşəcək

Türkiyə Prezidenti Rəcəb Tayyib Ərdoğan mayın 9-u ABŞ-yə rəsmi səfərə yollanacaq. “Qafqazinfo” “NTV”yə istinadən xəbər …