Boyukmillet.com Biz yanmasaq vətən yanar
Azərbaycan Əmək və Əhalinin Sosial Müdafiəsi Nazirliyinin tabeliyində olan Dövlət Tibbi-Sosial Ekspertiza və Reabilitasiya Agentliyinin təşkilati dəstəyi ilə daha 30 ukraynalı uşaq reabilitasiya xidməti almaq üçün Azərbaycana gətirilib.
Boyukmillet.com Report.az-a istinadən xəbər verir ki, agentliyin Qəbələ Uşaq Bərpa Mərkəzinə yerləşdirilən uşaqlara 15 gün ərzində tibbi, sosial və psixoloji reabilitasiya xidmətləri göstəriləcək.
Reabilitasiya prosesində peşəkar psixoloqlar tərəfindən fərdi məsləhətlər, qrup terapiyası və yoqa dərsləri vasitəsilə onların emosional vəziyyəti balanslaşdırılacaq.
Uşaqların asudə vaxtının səmərəli təşkili üçün Şəki, İsmayıllı və Şamaxı şəhərlərinin tarixi yerlərinə və muzeylərinə ekskursiyalar təşkil olunacaq.
Qeyd edək ki, bundan əvvəl üç qrupda 100-ə yaxın ukraynalı uşaq sosial-psixoloji reabilitasiya üçün Azərbaycana gətirilib.
Mətin
