Çərşənbə axşamı , 18 Mart 2025
Drone Cameras

Daun sindromlu uşaqlar üçün bayram tədbiri keçirilib

Bakı Şəhər Mədəniyyət və Turizm Baş İdarəsinin təşkilatçılığı ilə Daun Sindromlu Şəxslərin Reabilitasiya Mərkəzində 1 İyun- Uşaqların Beynəlxalq Müdafiəsi günü ilə əlaqədar bayram konserti keçirilib.

İdarədən Trend-ə verilən məlumata görə, tədbirdə Nizami rayon İcra Hakimiyyəti başçısının müavini Gülnaz İsrafilova, “Qayğı-Sağlam Nəsil Naminə” İctimai Birliyinin sədri Sevinc Abdullayeva, Bakı Şəhər Mədəniyyət və Turizm Baş İdarəsinin əməkdaşları və digər qonaqlar iştirak ediblər.

Nizami rayon İcra Hakimiyyəti başçısının müavini Gülnaz İsrafilova çıxış edərək uşaqları qarşıdan gələn bayram münasibətilə təbrik edib, xoş arzularını bildirib. Uşaqlara bayram günündə dəstək üçün tədbirə idmançılarımız, dünya çempionları kikboksçular Kobra Pərviz (Abdullayev), Eduard Məmmədov, karateçi Ayxan Mamayev, taekvondoçu Fəridə Əzizova qatılıblar.

Tanınmış müğənnilər Niyam Salami və Rahidə Baxış öz ifaları ilə tədbirə xüsusi rəng qatıblar. İdarənin şəbəkəsinə daxil olan mədəniyyət müəssisələrinin rəqs kollektivləri, şən klounlar müxtəlif oyun və viktorinalar təşkil edərək uşaqlara əsl bayram abu-havası yaşadıblar.

Sonda Nizami Rayon Mədəniyyət Mərkəzi tərəfindən “Qayğı” Sağlam Nəsil Naminə İctimai Birliyinin rəhbərliyinə, həmçinin müğənnilərdən Rahidə Baxış və Niyam Salamiyə təşəkkürnamə təqdim edilib.

Check Also

Azərbaycan Ordusunun mövqeləri atıcı silahlardan fasilələrlə atəşə tutulub

Martın 17-si saat 17:25-dən 21:45-dək Ermənistan silahlı qüvvələrinin bölmələri Qarakilsə rayonunun Saybalı, Çənbərək rayonunun Vaqan …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir