Boyukmillet.com Biz yanmasaq vətən yanar
Boyukmillet.com xəbər verir ki, Dnepr Azərbaycanlıları bir araya toplaşaraq, Dunya Azərbaycanlılarının Həmrəylik günü və Yeni il bayramını qeyd ediblər.
Dnepr Azərbaycanlıları adından Konqres sədri Nəcəf Əhmədov çıxış edərək tədbir iştirakçılarını və bütövlükdə Azərbaycan xalqını təbrik edib. Nəcəf müəllim deyib ki, tədbirə Ukraynanın bir çox şəhərlərində yaşayan soydaşlarımız qonaq gəliblər. O bildirib ki, Azərbaycan xalqının həmrəylik bayramını təbrik etmək üçün digər xalqların diaspor nümayəndələri və azsaylı xalqların nümayəndələri də, tədbirdə iştirak edir.
Nəcəf Əhmədov bu ilki bayramların digərlərindən xeyli fərqləndiyini xüsusi vurğulayıb. Nəcəf müəllim başda Ali baş Komandan İlham Əliyev olmaqla Qarabağı Azərbaycana birləşdirən hər bir vətəndaşımıza minnətdar olduqlarını bildirib: Biz Qürbətdə yaşayan Azərbaycanlılar 44 günlük Vətən müharibəsində öz həmrəyliyimizi həm maddi, həm də, mənəvi göstərdik. ALİ BAŞ KOMANDAN ILHAM ƏLİYEVİN rəhbərliyi ilə Müzəffər Azərbaycan Ordusu Xalqımızın qürurunu özünə qaytardı. Biz bu yolda Şəhid olmuş qəhrəman oğullarımızla fəxr edir, onlara Allahdan rəhmət diləyirik. Allahdan qazi qardaşlarımıza can sağlığı və şəfa diləyirik. Vətən müharibəsində iştirak edən hər bir hərbçimiz bizim qürur yerimizdir, biz onlarla fəxr edirik.
Tədbirdə digər xalqların diaspor rəhbərləri də çıxış edərək Azərbaycan xalqının həmrəylik gününü təbrik ediblər. Tədbir geniş musiqi proqramı ilə davam etdirilib.
Şaxta babanın körpələrə bağışladığı hədiyyələr isə uşaqların daha da ürəyincə olub.
Foto materiallar:
