Bazar ertəsi , 24 Fevral 2025
Drone Cameras

Ermənistanın elm, təhsil, mədəniyyət, incəsənət xadimləri Paşinyana qarşı çıxdılar

Ermənistanın elm xadimləri, təhsil, mədəniyyət və incəsənət nümayəndələri baş nazir Nikol Paşinyanın istefası tələbi ilə birgə bəyanat yayıblar.

Bu barədə Boyukmillet.com “Aysor.am”a istinadən xəbər verir.

Bəyanata 60-dan çox elm, təhsil, mədəniyyət və incəsənət nümayəndəsi imza atıb. Onlar Ermənistanda yaranmış gərgin vəziyyətlə bağlı narahatlıqlarını ifadə ediblər.

Ayrı-ayrı sahələrdə çalışan şəxslər ölkədəki gərgin vəziyyətə görə bütün məsuliyyətin Nikol Paşinyanın başçılıq etdiyi hakimiyyətin üzərinə düşdüyünü bildiriblər. Onlar qeyd ediblər ki, Paşinyan rejimi daha ölkənin və Ermənistan Respublikası Konstitusiyasının zamini olmağa qadir deyil.

Bəyanata imza atanlar arasında elmlər namizədi, elmlər doktoru, professor, dosent, müəllim, musiqiçi, aktyor, yazıçı, rejissor, müğənni, dirijor, jurnalist, əməkdar mədəniyyət xadimi, incəsənət xadimləri də var.

Check Also

Azərbaycanda həbsdə olan Ruben Vardanyan aclıq aksiyasına başlayıb

O, bunu “beynəlxalq və Azərbaycan prosessual hüququnun kobud şəkildə pozulmasına cavab” adlandırır Azərbaycanda həbsdə olan …