Boyukmillet.com Biz yanmasaq vətən yanar
Mayın 13-də rayon icra hakimiyyətinin başçısı, Milli Məclisin deputatı Sabir Hacıyev, hüquq-mühafizə orqanlarının rəhbərləri Ramazan bayramı münasibətilə Şəhidlərimizin məzarlarını ziyarət etmiş və şəhidlərin adına inşa olunmuş bulaq komplekslərin açılışında iştirak ediblər.
Rayon rəhbərliyi Göyçay şəhərində və Çərəkə kəndində yerləşən Şəhidlər Xiyabanında olmuş, həmçinin Ərəbcəbirli kəndində Vətən müharibəsində şəhidlik zirvəsinə ucalmış döyüşçülərimizin məzarlarını ziyarət edərək, gül dəstələri düzmüşlər.
Sonra şəhərin Nizami küçəsində Şəhid polkovnik-leytenant Vidadi Xəlilovun və Bığır kəndində Şəhid Qüdrət Əzizovun adına inşa edilmiş bulaqların açılışında iştirak etmişlər.
Şəhidlərin valideynləri ilə söhbət zamanı şəhid ailələrinin hərtərəfli dövlət qayğısı ilə əhatə olunduğu diqqətə çatdırılmışdır.
Görüşlər zamanı Şəhidlərimizin əziz xatirəsi ehtiramla yad olunmuş, onların ruhuna dualar edilmişdir.
