Boyukmillet.com Biz yanmasaq vətən yanar
Yeni Azərbaycan Partiyasının (YAP) seçkilərdə üstünlük qazanması Prezident İlham Əliyevə etimadın göstəricisidir.
Boyukmillet.com xəbər verir ki, bunu Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) Serbiyadan olan üzvü İqor Besiç deyib.
O, Milli Məclisə seçkilərdə müşahidəçi qismində iştirakına şərait yaradıldığına görə Azərbaycana təşəkkür edib:
“QDİƏT PA-nın müşahidə missiyası müxtəlif seçki məntəqələrində olarkən seçkilərin demokratik qaydada keçirildiyini müşahidə edib. Mərkəzi Seçki Komissiyasının (MSK) sədri Məzahir Pənahovla olan görüşdə də bildirdik ki, vətəndaşlara seçim üçün hər cür şərait yaradılıb. Serbiya parlamentinin uzunmüddətli təcrübəsinə dayanaraq deyə bilərəm ki, Azərbaycanda seçkilər demokratik keçirilib. Yeni Azərbaycan Partiyasını (YAP) seçkilərdə üstünlük qazanması münasibətilə təbrik edirəm. Bu, Prezident İlham Əliyevə etimadın göstəricisidir”.
İ.Besiç vurğulayıb ki, Azərbaycan və Serbiya arasında münasibətlər yüksək səviyyədədir.
