İsrail 100 döyüş təyyarəsi ilə şok hücuma hazırlaşır – III Dünya Müharibəsi başlayır?

100 döyüş təyyarəsi ilə ölkə tarixindəki ən böyük hava təlimini həyata keçirən İsrail Livana hücuma hazırlaşır. İsrailin hədəfi Livan torpaqlarının yüzdə 65 faizinə girmək və Hizbullah bazalarını ələ keçirməkdir.

İsrailin bütün ölkələrdəki səfirliklərinin Livan mərkəzli yeniliklərə qarşı hərəkətə keçməsinin və ölkə tarixindəki ən böyük hava təlimini həyata keçirməsinin ardından Livanın cənubundakı Hizbullah mövqelərinə şok hücum hazırlığındadır.

İsrailin Livana hücumuna paralel olaraq ABŞ rəhbərliyi altında yaradılan ittifaqın da Yəmən və Qətərə qarşı hərbi əməliyyat hazırlığında olduğu bildirilir. Hazırlanan plan çərçivəsində İsrail Livana hücum edərkən Birləşmiş Ərəb Əmirlikləri (BƏƏ) və Səudiyyə Ərəbistanın Qətərin stabilliyini pozacaq addımlar atacağı bildirilir. ABŞ rəhbərliyi altında formalaşan plana görə, Körfəzdən İraq və Suriyaya uzanan xətt boyunca məzhəb münaqişələri başlanılacaq və bir çox ölkə xəritə dəyişikliyinə gedəcək. İranın isə bu təcavüzə Bəhreyn üzərindən cavab verəcəyi bildirilir.

Ər-riyadda başlayan hərəkətliliyin ən çox təsir etdiyi ölkə olan Livanda baş nazir Saad Hariri vəzifəsindən istefa verib. “Həyatımı hədəf alan bir plan olduğu üçün istefa verdim” deyən Hariri istefadan sonra Səudiyyə Ərəbistanına və BƏƏ-nə səfər edib, Hizbullah ilə İranı günahlandıran bəyanat verib. İsrailin Livan sərhədi boyunca başlatdığı təlim hücum öncəsi son hazırlıq mərhələsi kimi qiymətləndirilir. Yayılan məlumatlarda bildirilir ki, İsrail ordusunun şok hücum dalğası və ondan sonra başlayacaq quru hərəkatı ilə ölkədə Hizbullah varlığına son qoymaq istəyirlər.

İsrail ordusu hava və qurudan güclü raket zərbələri ilə başlayacaq hücum zamanı İsrail sərhədində yerləşən Nakuradan Dahiyə, Celubiyyə bölgəsinə qədər ərazini işğal ediləcək. İsrail tərəfindən hazırlanan işğal xəritəsinə görə, Livanın 65 faizini tutacaq və Hizbullaha aid məntəqələr ələ keçiriləcək. Paralel olaraq, Səudiyyə Ərəbistanı dəstəkli mülki qruplar şiə məntəqələrinə hücum edəcək və daxili qarşıdurma yaradılacaq. Hizbullah İsraillə və daxildə başlayan üsyanla boğuşmaq məcburiyyətində qoyulacaq.

İsrail və BƏƏ-nin ittifaqının təcavüzünə İranın Bəhreyn daxilindəki şiələri hərəkətə gətirərək cavab verəcəyi düşünülür. İranın, eyni zamanda Yəməndə də müxalif qüvvələrə dəstəyi artıraraq Səudiyyə Ərəbistanı və koalisiya qüvvələrinə cavab verəcəyi bildirilir. (A24.az)

Boyukmmillet.com