Cümə , 9 May 2025
Drone Cameras

İtaliya Azərbaycanın səfirliyinə xaincəsinə edilmiş hücumdan hiddətlənib

“İtaliya səfirliyi Azərbaycanın İrandakı səfirliyinə xaincəsinə edilmiş hücumdan hiddətlənib və mərhumun ailəsinə dərin hüznlə başsağlığı verir”.

Boyukmillet.com xəbər verir ki, bu barədə səfirliyin tviter səhifəsində məlumat verilib.

“Biz yaralıların tezliklə sağalmasını arzulayır və təhlükəsizlik qüvvələrinin cəld və cəsarətli reaksiyasına heyran olduğumuzu bildiririk”, – paylaşımda qeyd edilib.

Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Məlumata görə, hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.

Check Also

Azərbaycan Prezidenti faşizm üzərində Qələbə Günü münasibətilə paylaşım edib

Azərbaycan Prezidenti İlham Əliyev “X” sosial şəbəkəsindəki hesabında 9 May – Faşizm üzərində Qələbə Günü …