Boyukmillet.com Biz yanmasaq vətən yanar
Xəbər verdiyimiz kimi, Prezident İlham Əliyev Azər Bəhlul oğlu Qocayevi Kəlbəcər Rayon İcra Hakimiyyətinin başçısı təyin edib. Boyukmillet.com-un məlumatına görə, Azər Bəhlul oğlu Qocayev 1985-ci il sentyabrın 7-də Sumqayıt şəhərinədə anadan olub. 1992-2003 illərdə Sumqayıt 31 saylı orta məktəbdə orta təhsil alıb.Elə həmin ildə də Sumqayıt Dövlət Universitetinin Elektroenergetika və Enerji maşınqayırması fakültəsinə daxil olub. 2007-ci ildə həmin Universiteti bitirərək həqiqi hərbi xidmətə yollanıb. 2009-cu ildə “Bakı Elektrikşəbəkə ASC”-də, 2010-cu ildə “Azərenerji” ASC-nin Sumqayıt ES-də mühəndis vəzifəsində çalışıb. 2012-ci ildə “Sumqayıt REŞ” MMC-də mühəndis işləyib. 2015-ci ildə “Azərişıq” ASC-də mühəndis vəzifəsində çalışıb. 2017-ci ildən isə “Azərbaycan Dəmir Yolları” QSC-nin İnfrastruktur Departamentində bölmə rəisinin müavini, 2018-ci ildə İnfrastruktur Departamentində Elektrik təchizatı xidmətində xidmət rəisinin müavini, 2019-cu ildən isə Elektrik enerjisinin satışı və istifadəsinin səmərəliliyinə nəzarət şöbəsinin rəisi vəzifəsində çalışıb. Hakim Yeni Azərbaycan Partiyasının (YAP) üzvüdür. Ailəlidir, iki övladı var.
Azər Qocayev bundan əvvəl Azərbaycan Dəmiryolları QSC-də işlədiyi müddətdə fəaliyyətini layiqi ilə icra edərək rəhbərliyin etimadını qazanmışdır. Bunun nəticəsi olaraq ölkə başçısı tərəfindən Kəlbəcər rayonuna icra başçısı vəzifəsinə təyin edilmişdir.
Boyukmillet.com informasiya portalının kollektivi adından icra başçısının fəaliyyətində uğurlar arzulayırıq.
