Boyukmillet.com Biz yanmasaq vətən yanar
Türkiyə Prezidenti Rəcəb Tayyib Ərdoğan Madriddə keçiriləcək NATO sammitində İsveç və Finlandiya ilə bağlı güzəştdən imtina edəcək.
Boyukmillet.com xəbər verir ki, bu barədə “Anadolu” məlumat yayıb.
Nəşr yazır ki, Türkiyə Prezidenti Administrasiyasının Kommunikasiya İdarəsi sammit ərəfəsində iyunun 17-də Brüsseldə NATO-nun Ukraynadakı müharibədən sonrakı gələcəyini müzakirə etmək üçün panel müzakirəsi keçirəcək. Türkiyə diplomatları dünyaya baxışlarını çatdırmağa çalışacaqlar. Bundan əlavə, iyunun 28-də keçiriləcək sammitdən əvvəl Madriddə daha bir panel keçiriləcək.
Prezident Ərdoğanın NATO sammitində Türkiyənin terrora və terror təşkilatlarına dəstək verən ölkələrə münasibətdə mövqeyindən güzəştə getməyəcəyini vurğulaması gözlənilir.
Madriddə keçiriləcək sammitdən sonra İsveç və Finlandiya ilə bağlı danışıqların davam edəcəyi də vurğulanır.
Türkiyə Finlandiya və İsveçdən NATO-ya daxil olmasına razılıq verməzdən əvvəl silah ixracına qoyulan məhdudiyyətləri aradan qaldırmaq və PKK terrorçularına dəstəkdən imtina etmək üçün yazılı təminat tələb edir. Hər iki ölkə PKK tərəfdarlarına açıq dəstək verir, bu ölkədə terrorçuların aksiyaları keçirilir.
