Boyukmillet.com Biz yanmasaq vətən yanar
Ukrayna qüvvələri Rusiyanın Kursk bölgəsinə doğru irəliləyib
Ukrayna rəsmiləri Rusiyaya doğru yaxşı irəlilədiklərini və strateji bufer yaratmaqla məşğul olduqlarını deyirlər.
Avqustun 14-də Ukrayna qüvvələri Rusiyanın Kursk bölgəsinə doğru irəliləyib. Rəsmi Kiyev sərhədyanı ərazilərini Rusiyanın hücumlarından qorumaq üçün strateji bufer zonası yaradacağını açıqlayıb.
Keçən həftədən başlayaraq Kiyevin Rusiya ərazisinə keçməsi Moskvanı təəccübləndirib. 2022-ci ildə Ukraynaya genişmiqyaslı işğala başlayan Rusiya qüvvələri bütün il ərzində sabit vəziyyətdə, ərazi qazancı əldə edirdi.
Prezident Volodimir Zelenski bu həmləni “Rusiya müharibənin təsirlərini görməyə başlamalıdır”, – deyə açıqlayıb.
“Biz Kurskda daha da irəliləməyə davam edirik”,- deyə Zelenski “Telegram”-da yazıb.
Daha sonra gecə müraciətində Zelenski Kurskda götürülən və ukraynalı döyüşçülərlə dəyişdirilə bilən rus hərbi əsirlərinin sayının artmasına toxunub:
“Bizim Kurskdakı irəliləyişimiz bu gün yaxşı gedir – biz strateji məqsədimizə çatırıq. Dövlətimiz üçün “mübadilə fondu” da xeyli artırılıb”.
Daxili işlər naziri İhor Klymenko deyib: “Bufer zonanın yaradılması sərhəd icmalarımızı düşmənin gündəlik hücumlarından qorumaq üçün nəzərdə tutulub”.
Rusiya Kursk da daxil olmaqla qonşu sərhəd ərazilərindən Ukraynaya zərbələr endirir.
Belə bir durumda Zelenski Qərb müttəfiqlərini Rusiyaya uzaqmənzilli raket zərbələri endirməyə icazə verməyə çağırıb.
Rusiya tərəf isə gün ərzində Ukraynaya məxsus pilotsuz təyyarələri endirdiyini açıqlayıb.
Rusiya Prezidenti Vladimir Putin Ukrayna hərbçilərini ölkədən çıxaracağına söz verib. Deyib ki, onlar Qərbin dəstəyi ilə Kiyevə gələcək mümkün atəşkəs danışıqlarında daha güclü dəstək vermək istəyirlər. Lakin bir həftədən çox davam edən gərgin döyüşlər indiyədək onları sıxışdırıb çıxara bilməyib.
Ukrayna əsilli, rusiyayönlü hərbi bloger Yuri Podolyaka “Vəziyyət çətin olaraq qalır” deyib.
Ukrayna Baş Qərargahı bildirib ki, Kiyev bir gecədə Rusiyanın Voronej, Kursk və Nijni Novqorod bölgələrindəki 4 Rusiya hərbi aerodromunu vuraraq yanacaq anbarlarını və hava silahlarını hədəfə alıb. Zelenski hücumu “vaxtında” və “dəqiq” adlandırıb.
