Boyukmillet.com Biz yanmasaq vətən yanar
“Mən bu seçkiləri tanımıram, bu seçkilər tanınmaz – bunun tanınması Rusiyanın ölkəyə daxil olmasının tanınması deməkdir”.
Boyukmillet.com xəbər verir ki, bu barədə prezident Salome Zurabişvili müxalifət liderləri ilə birgə keçirdiyi brifinqdə açıqlama verib. Onun qiymətləndirməsinə görə, 26 oktyabr seçkiləri tamamilə saxtalaşdırılıb.
Salome Zurabişvili deyib: “Saxtakarlığı ört-basdır etmək üçün texnologiyadan istifadə edilib. Belə şey indiyə qədər olmayıb. Bu seçkilər Gürcüstanda deyil, Rusiyada keçirilib”.
Prezident və müxalifət partiyaları ictimaiyyəti sabah (28 oktyabr tarixində) Rustaveli prospektinə toplaşmağa çağırış ediblər: “Sizi sabah axşam saat 19:00-da Rustaveliyə dəvət etmək istəyirik ki, birlikdə bu seçkiləri tanımadığımızı dünyaya bəyan edək”, – deyə prezident müraciətində bildirib.
