Boyukmillet.com Biz yanmasaq vətən yanar
Qəzza zolağında 2023-cü il oktyabrın 7-də hərbi əməliyyatların başlamasından bəri azı 169 media işçisi ölüb.
Boyukmillet.com xəbər verir ki, bu barədə anklav hakimiyyətinin mətbuat xidməti teleqram kanalında məlumat verib.
Məlumata görə, eskalasiyanın son qurbanı bir sıra ərəb nəşrləri və telekanalları ilə əməkdaşlıq edən fələstinli İbrahim Mərvan Muhareb olub.
Qəzza rəsmiləri jurnalistlərin ölümünə görə məsuliyyətin tamamilə İsrail tərəfinin üzərinə düşdüyünü bildirib və beynəlxalq ictimaiyyəti yəhudi dövlətinin rəhbərliyini davam edən cinayətlərə görə məsuliyyətə cəlb etməyə çağırıb.
Qəzzanın Səhiyyə Nazirliyinin son məlumatına görə, anklavda ölənlərin ümumi sayı 40 139 nəfərə çatıb, 92 743 fələstinli isə yaralanıb.
