Cümə , 29 Mart 2024
Drone Cameras

“Ro-Pax” tipli “Azərbaycan” gəmi-bərəsi ilk səfərinə çıxıb

Azərbaycan Respublikasının Prezidenti İlham Əliyev və Birinci vitse-prezident Mehriban Əliyevanın iştirakı ilə martın 1-də istismara verilən “Azərbaycan Xəzər Dəniz Gəmiçiliyi” QSC-yə (ASCO) məxsus “Ro-Pax” tipli “Azərbaycan” gəmi-bərəsi ilk səfərinə yollanıb.
Boyukmillet.com  xəbər verir ki, “Azərbaycan” gəmisinin ilk səfəri Qazaxıstanın Kurık limanınadır. Gəmi bu gün Ələtdə yerləşən Bakı Limanından yola düşüb.
Daimi heyəti 25 nəfərdən ibarət unikal gəminin uzunluğu 154,50 metr, eni 17,7 metr, bortunun hündürlüyü isə 7,5 metrdir. Yükgötürmə qabiliyyətinə görə Xəzərdə hazırda mövcud bərələrdən böyükdür və 100 nəfər sərnişin, 56 sistern tipli vaqon və ya 50 yük avtomobili – TIR-ı daşımaq imkanına malikdir.
“Azərbaycan” gəmi-bərəsinin “Şərq-Qərb” nəqliyyat dəhlizi üzrə Xəzər üzərindən keçən və artmaqda olan tranzit yüklərin daşınmasına mühüm töhfə verəcəyi proqnozlaşdırılır.
Xatırladaq ki, hazırda Azərbaycan ərazisindən tranzit keçən avtotexnika və vaqonların Xəzər dənizində daşınmasını ümumilikdə 14 bərə və 2 “Ro-Ro” tipli gəmi həyata keçirir.

Check Also

Bakı, Gəncə və Sumqayıtda ən təhlükəli vəziyyətdə olan binaların sayı açıqlanıb

Bakı, Gəncə və Sumqayıt kimi iri şəhərlərdə ən təhlükəli vəziyyətdə olan 69 bina var. Boyukmillet.com …