Boyukmillet.com Biz yanmasaq vətən yanar
“Bakı ilə İrəvan arasında münasibətlərin normallaşdırılması məsələsində Avropa İttifaqı (Aİ) və ABŞ-nin vasitəçiliyində real nəticə yoxdur”.
Boyukmillet.com xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə deyib.
“ABŞ və Aİ-nin bir sıra səbəblərə görə etibarlı vasitəçi sayıla bilməyəcəyinə baxmayaraq, İrəvan Vaşinqton və Brüsseldə sülh sazişi üzrə danışıqlara can atır. Onların addımları Rusiyanı Cənubi Qafqazdan sıxışdırıb çıxarmağa yönəlib”, – o bildirib.
Onun sözlərinə görə, ABŞ və Aİ regionda mövcud olan təhlükəsizlik mexanizmlərini məhv etmək istəyir. O əlavə edib ki, onlar Moskvanın iştirakı ilə imzalanmış üçtərəfli bəyanatlarla əldə edilmiş nailiyyətləri özünküləşdirməyə çalışırlar.
“Buna görə də onların vasitəçiliyi ilə real nəticə yoxdur və ola da bilməz, çünki bu ölkələr başqa məqsədlər güdürlər”, – M.Zaxarova vurğulayıb.
