Boyukmillet.com Biz yanmasaq vətən yanar
Dünyanın ən böyük neft ixracatçısı olan Səudiyyə Ərəbistanı aprel ayında Asiya və Avropa üçün neftin qiymətini qaldırıb.
Boyukmillet.com xəbər verir ki, bu barədə Bloomberg məlumat yayıb.
Aprel ayı üçün “Arab Light”ın Asiya üçün rəsmi satış qiyməti Oman-Dubay etalonunda 2,5 ABŞ dolları bahalaşıb ki, bu da mart ayı qiymətindən 50 sent yüksəkdir.
Eyni zamanda Səudiyyə Ərəbistanının dövlət şirkəti olan “Saudi Aramco” aprel ayında şimal-qərbi Avropaya nəql etdiyi neftin qiymətini bir barel üçün 1 ABŞ dolları artırıb.
Səudiyyə Ərəbistanı hər ayın əvvəlində istehlakçıların müraciətləri əsasında çatdırılma cədvəlini formalaşdırır, lakin qlobal neft bazarına təsir edən Ukraynadakı vəziyyətlə əlaqədar qiymət siyasətinə əhəmiyyətli dərəcədə yenidən baxılıb.
