Boyukmillet.com Biz yanmasaq vətən yanar
“Tərtər işi” üzrə zərərçəkənlər məhkəmənin gedişindən narazıdırlar. Onlar deyirlər ki, məhkəmə sanki işi ört-basdır etməyə çalışır, işgəncələrin əsas təşkilatçılarını prosesə cəlb etmir. Zərərçəkənlər Baş Prokurorluqdan da narazılıq edirlər.
“Tərtər işi” zərərçəkənləri həmin günləri xatırlamaqda çətinlik çəkirlər. İndi onlar hüquqi yollarla haqlarının bərpasına nail ola bilmirlər, deyirlər ki, tələbləri bugünədək qarşılanmır. İşgəncələr nəticəsində 12 nəfərin həyatını itirdiyi bildirilir. Amma hadisədən artıq 7 ildən çox vaxt keçsə də, hələ də prosesdə adı hallanan yüksək rütbəli hərbiçilər məsuliyyətə cəlb olunmur.
