Boyukmillet.com Biz yanmasaq vətən yanar
İraq Türkmən Cəbhəsinin lideri və Kərkük millət vəkili Ərşad Saleh Türkiyənin “Akşam” qəzetinə müsahibə verib.
Boyukmillet.com xəbər verir ki, İraqın şimalındakı tanınmayan referendumdan danışan Saleh baş verənlərin arxasında İsrailin olduğunu bildirib.
“Hazırda bu bölgədə İsrailin böyük layihəsi var. Xüsusilə Suriyanı parçalamaq, bununla yanaşı Səudiyyə Ərəbistanın Katif bölgəsində yaşayan azsaylı şiələri ayağa qaldırmaq istəyirlər. Gizli xidmətlər həmin şiələr yaşayan ərazisindən Məkkəyə, Mədinəyə, Səudiyyə Krallığına qarşı istifadə edə bilərlər.
Yenə eyni ölkə, İsrail Türkiyəni parçalamaq istəyir. Hər kəs ayıq olmalıdır. Suriyada terror təşkilatı PKK-nın bir qolu YPG üçün bölgə hazırlayan gizli servislər İraqın içində də kürd bölgəsi hazırlayır. 15 il sonra TÜrkiyənin də içində bunu etməyə çalışacaqlar. Biz gözümüzün önündə görürük bunları.
Telebyad Suriyanın türkmənlər yaşayan ərazisidir. Nə olur orada? Ora İŞİD-i gətirirlər, türkmənləri çıxarırlar. Sünni ərəbləri Raqqadan çıxarırlar. Sonra ABŞ oranı bombalayır və PKK/YPG-yə o torpaqları verir. Artıq Telebyad bir PKK bölgəsinə çevrilir. Bunlar müəyyən bir layihə adı altında baş verir. Eynisi bizim bölgələrimizdə oldu” deyə Ərşad Saleh qeyd edib.
