Boyukmillet.com Biz yanmasaq vətən yanar
“Dünən Azərbaycana gəldikdən sonra ilk olaraq Prezident İlham Əliyev bizi qəbul etdi. Daha sonra Milli Məclisin sədri Sahibə Qafarova ilə görüşdük”.
Boyukmillet.com report-a istinadən xəbər verir ki, bunu Türkiyə Böyük Millət Məclisinin (TBMM) Xarici əlaqələr komitəsinin sədri Akif Çağatay Kılıç Bakıda keçirdiyi mətbuat konfransında deyib.
Onun sözlərinə görə, bugün Şəhidlər Xiyabanını ziyarət ediblər: “Həmçinin mərhum prezident Heydər Əliyevin də məzarını ziyarət etdik. Biraz əvvəl də xarici işlər naziri Ceyhun Bayramovun qonağı olduq”.
O xatırladıb ki, 44 günlük müharibədən sonra Azərbaycan ərazi bütövlüyünü bərpa edib: “Biz Azərbaycana dəstək olmaq üçün bura gəlmişik. Azərbaycanda Türkiyəyə və Türkiyədən gələn hər kəsə qarşı çox böyük sevgi var. Türkiyədə də azərbaycanlı qardaşlarımıza çox böyük dəstək verirlər”.
