Boyukmillet.com Biz yanmasaq vətən yanar
Türkiyənin Qızıl Aypara Cəmiyyəti erməni təxribatları zamanı evləri dağılan Azərbaycan vətəndaşlarına yardım göndərməkdə davam edir.
Bu barədə “Report”un cəbhə bölgəsinə ezam olunmuş əməkdaşına cəmiyyətin nümayəndəsi Osman Barış Diker bildirib.
O qeyd edib ki, Türkiyənin Qızıl Aypara Cəmiyyətinin rəhbəri Kerem Kınıkın təlimatı ilə 4 gün əvvəl Ankaradan Bakıya yola düşüblər:
“Bu gün isə qardaş ölkə Azərbaycana gəlib çatdıq. Hazırda içərisində yardım vasitələri olan 4 qoşqulu yük maşını (TIR) və digər avtomobillə Bakıya gedirik. Yardıma 250 ədəd ailə çadırı, 500 ədəd yataq dəsti, 3 min ədəd yorğan və 288 ədəd mətbəxt dəsti daxildir”.
Nümayəndənin sözlərinə görə, Türkiyənin Qızıl Aypara Cəmiyyəti tərəfindən Azərbaycana yadımlar davam edir.
Qeyd edək ki, Türkiyənin Qızıl Aypara Cəmiyyəti tərərindən bir neçə gün əvvəl də qardaş ölkədən Azərbaycana bir neçə TIR vasitəsi ilə yardımlar gətirilib.
