UKRAYNADAN GƏLMİŞ DİASPOR SƏDRİ İKİNCİ FƏXRİ XİYABANDA OLUB

UKRAYNADAN GƏLMİŞ DİASPOR SƏDRİ YUNUS ALIYEV “VƏTƏN MÜHARİBƏSİ” ŞƏHİDLƏRİNİ
ANMAQ ÜÇÜN İKİNCİ FƏXRİ XİYABANDA OLUB.

Boyukmillet.com xəbər verir ki, əsasən Nikalayev Azərbaycanlıları Konqresinin sədri Yunus Alıyev 22-si dekabrda İkinci Fəxri Xiyabanda olub. Respublika Müharibə , Əmək, Silahlı Qüvvələr Veteranları Təşkilatının Sədr Müavini Polkovnik Cəlil Xəlilovla görüşən Yunus Alıyev, İkinci Fəxri Xiyabanda olaraq, “Vətən Müharibəsi” qəhrəmanları, Şəhidlərimizi anmaq istədiyini deyib. Cəlil müəllim nümayəndə heyəti ilə birgə İkinci Fəxri xiyabana gəlib. İlk yad edilən Şəhid General mayor Polad Həşimov oldu.






Cəlil müəllim geniş nitq söyləyərək, başda Ali Baş Komandan İlham Əliyev olmaqla, qəhrəman Azərbaycan oğullarının sayəsində itirlimiş torpaqlarımızın geri alındığını xüsusi vurğulayıb. Yunus müəllimlə yanaşı “Diaspor Təşkilatlarının Monitorinq Mərkəzinin” sədri Əlmaniz Ələkbərli və Respublika Müharibə , Əmək, Silahlı Qüvvələr Veteranları Təşkilatının bir qrup üzvü də, iştirak edib. Tədbir iştirakçıları İkinci Fəxri Xiyabanda uyuyan, baş tacımız olan bütün şəhidlərimizin məzarı üzərinə qızılgüllər və qərənfillər düzərək, onların ruhuna dualar etmişlər.
Cəlil müəllim Fəxri xiyabanda toplaşan insanlara Yunus Alıyev haqqında da, məlumat verdi: Yunus Alıyevin Vətənpərvərliyi, xalqımız, dövlətimiz üçün ürəklə çalışması çoxları üçün gözəl bir nümunədir.




O, Ukraynanın Nikalayev şəhərində 1941-45-ci illərdə böyük şücaət göstərmiş “416-cı Taqanrok diviziyasının” şərəfinə memorial-abidə kompleksi ucaldıb”. Biz bir təşkilat olaraq, bu addımı çox yüksək qiymətləndirdik və elə bu gün , onu “Böyük Vətən Müharibəsinin 75-illik“ yubiley medalı ilə təltif etdik.






Ali baş komandan İlham Əliyevin rəhbərliyi və Qəhrəman Azərbaycan əsgərinin şücaəti sayəsində 44 gün ərzində, itirilmiş torpaqlarımızın geri qaytarılması kimi qürurverici və baş ucalığı gətirən bir hadisə baş verdi.
Yunus Alıyev “ 416-cı Taqanrok diviziyasının” şərəfinə ucaltdığı memorial abidə kompleksinə və Ukraynadakı diaspor fəaliyyətinə görə, Azərbaycanın bir çox Dövlət qurumları tərəfindən medallarla təltif edilmişdir.





Bir neçə il öncə isə Prezident İlham Əliyevin sərəncamıyla “Tərəqqi” medalına layiq görülüb.


Diaspor.info
Bakı şəhəri.