Boyukmillet.com Biz yanmasaq vətən yanar
Avropada Təhlükəsizlik və Əməkdaşlıq Təşkilatının (ATƏT) fəaliyyətdə olan sədri, Şimali Makedoniyanın xarici işlər naziri Bujar Osmaninin Gürcüstana səfəri başlayıb.
Boyukmillet.com xəbər verir ki, o bu barədə tviterdə yazıb.
“Cənubi Qafqaza səfərimə Tbilisidən başlayıram. Müzakirələri səbirsizliklə gözləyirəm”, – deyə B.Osmani qeyd edib.
O bildirib ki, prioritet milli hakimiyyət orqanları və vətəndaş cəmiyyətləri ilə işdir: “ATƏT 2008-ci ildə baş vermiş münaqişənin nəticələrinin həllində yaxından işləməyə davam edəcək”.
Qeyd edək ki, B.Osmani növbəti günlərdə Azərbaycan və Ermənistana da səfər edəcək.
