Boyukmillet.com Biz yanmasaq vətən yanar
Almaniyanın Aşağı Saksoniya əyalətinin Hannover şəhərində Türkiyənin Baş Konsulluğu terror təşkilatı tərəfdarları tərəfindən daşla hücuma məruz qalıb.
Musavat.com Türkiyə mətbuatına istinadən xəbər verir ki, hücum edənlər əllərinə gələni konsulluq binasına atıb, daha sonra hadisə yerindən qaçıblar.
Daha öncə Belçikada PKK tərəfdarları küçələrə çıxaraq Türkiyə vətəndaşlarına məxsus iş yerlərinə və Ülkü karxanasının binasına hücum ediblər. Terror tərəfdarları onlara qarşı edilən bu hücumlara cavab verən türkləri sosial mediada hədəfə alıb və bir çox Avropa ölkəsindən böyük qrupların Belçikaya gəlmələrini istəyib. Nəticədə gərginlik Almaniyaya da sirayət edib, Türkiyənin Hannover Baş Konsulluğuna PKK-çılar daş və dəyənəklə hücum edib.
Terror təşkilatı tərəfdarlarının gecə saatlarında həyata keçirdiyi hücum kameralara düşüb. Terror təşkilatı lehinə şüarların səsləndirildiyi bildirilir. Hücum edənlər bir müddət sonra hadisə yerindən qaçaraq yoxa çıxıblar.
Avropada türk vətəndaşlarının hədəfə alındığı və zərər gördüyü bu günlərdə Almaniya polisinin Türkiyə Konsulluğuna bu hücumu zamanı heç bir təhlükəsizlik tədbiri görməməsi də diqqətdən yayınmayıb. Sosial şəbəkələrdə paylaşılan görüntülərə böyük reaksiya olub.
