Cümə axşamı , 3 Aprel 2025
Drone Cameras

Prezident İlham Əliyev sloveniyalı həmkarını təbrik edib

Azərbaycan Respublikasının Prezidenti İlham Əliyev Sloveniya Respublikasının Prezidenti xanım Nataşa Pirts Musaraya təbrik məktubu ünvanlayıb.

Boyukmillet.com xəbər verir ki, mətndə deyilir:

“Hörmətli xanım Prezident.

Sloveniya Respublikasının milli bayramı – Dövlətçilik Günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm.

İnanıram ki, Azərbaycan-Sloveniya münasibətlərinin xalqlarımızın mənafelərinə uyğun olaraq dostluq məcrasında inkişafı, qarşılıqlı faydalı əməkdaşlığımızın bundan sonra da davam etdirilməsi yolunda birgə səylər göstərəcəyik.

Bu bayram günündə Sizə ən xoş arzularımı çatdırır, dost Sloveniya xalqına daim əmin-amanlıq və rifah diləyirəm”.

Check Also

Bakı Təşəbbüs Qrupu Fransa hökuməti ilə Kanaki arasında danışıqlarda vasitəçilik təşəbbüsünü irəli sürüb

Bakı Təşəbbüs Qrupu (BTQ) yarandığı gündən hər zaman dialoqu və sülh yolu ilə problemlərin həllini …